Кәрістер арасындағы қарым – қатынас мәдениеті тігінен  – құндылықтар мен ізгіліктердің иерархиялық бағыныштылығы орнатылған даналық пен этиканың жоғары нормаларының жиынтығы ретінде құрылған. Онда қарым-қатынастың бес қағидасы көрсетілген: император мен оған бағынышты адам, әке мен ұл, үлкен ағасы мен інісі, күйеуі мен әйелі, екі досы. Осы қағидаларға сәйкес, әке ұлына мейірімділікпен, ал ұлдары әкесіне құрметпен; үлкен ағасы кішіге мейірімділікпен, ал кіші інісі үлкеніне құрметпен қарау керек. Әрі қарай, күйеуі әйеліне әділ, ал әйелі күйеуіне пайдалы болуы керек; билеуші оған бағынышты адамдарға  мейірімді, ал бағынышты адамдар  билеушіге адал болуы керек.Конфуций этикасы корейлер арасындағы қарым-қатынастың берік негізін қалады. Конфуцийлік ілімдерге сәйкес әлеуметтік әлем нақты құрылымдарға бөлінеді: үлкені – кішісі, жетекшісі – бағынышты және т.б. сонымен бірге қоғамның әлеуметтік – қоғамдық-саяси құрылымы да қатаң иерархиялық – ондағы байланыстар негізінен тік.Конфуцийлік этика мен дәстүрлердің бұл белгілері әңгімелесушілердің мінез-құлқында, олардың ерекше қимылдарында, ғибадаттарында, сәлемдесудің ерекше тәсілдерінде, сыпайылық пен құрметтің жазбаша және ауызша формаларында көрінеді. Сондықтан корей тілін үйренушілер үшін тиісті сыпайылық дәрежелері мен кәрістер қолданатын жазбаша және ауызша қарым-қатынас стильдерін білу және түсіну маңызды. Бейтаныс адамдармен, әсіресе әйелдермен қарым-қатынаста қарым-қатынас стилін өзгерту мүмкін емес екенін есте ұстаған жөн. Мысалы, сыпайы ресми стильден таныс немесе достық стильге күрт көшу. Бұл дұрыс емес түсініп, қорлау немесе алымсақтық деп ұғынылуы мүмкін.